მაჟორიტარი იმერეთიდან: მადლობა პრემიერს და მთავრობას მხარდაჭერისთვის, ერთად ვიზრუნოთ ჩვენი რეგიონების განვითარებასა და აღმშენებლობაზე

პარლამენტის წევრის, თერჯოლის, ტყიბულის, ზესტაფონისა და ბაღდათის მაჟორიტარი დეპუტატის, ბეჟან წაქაძის ინფორმაციით, 2021-2022 წლებში შემდეგი პროექტები განხორციელდა:

ტყიბულის მუნიციპალიტეტი - 18 შენობის ფასადისა და მიმდებარე ტერიტორიის სარეაბილიტაციო სამუშაოები, ღირებულებით - 10 033 930 მლნ ლარი;

თერჯოლის მუნიციპალიტეტი - 8 შენობის ფასადის, შენობების მიმდებარე საფეხმავლო ტერიტორიებისა და ერთი პარკის სარეაბილიტაციო სამუშაოები, ღირებულებით - 7 772 309 მლნ ლარი.

"ასევე, გაცნობებთ, რომ სსიპ საქართველოს მუნიციპალური განვითარების ფონდის მიერ მიმდინარეობს და 2023 წელს დაგეგმილია შემდეგი პროექტების დასრულება:

ზესტაფონის მუნიციპალიტეტი - 8 შენობის ფასადის, ცენტრალური მოედნისა და რკინიგზის ლიანდაგის გასწვრივ კედლის რეაბილიტაციის სამუშაოები, ღირებულებით - 7 091 656 მლნ ლარი;

ბაღდათის მუნიციპალიტეტი - 9 შენობის ფასადის, მიმდებარე საფეხმავლო ტერიტორიისა და მაიაკოვსკის სკვერის რეაბილიტაციის სამუშაოები, ღირებულებით - 2 233 018 მლნ ლარი;

საქართველოს 63 მუნიციპალიტეტში, ქალაქებში შესასვლელის აღმნიშვნელების პროექტირება/მშენებლობა, ღირებულებით - 7 000 000 მლნ ლარი;

მადლობა პრემიერ-მინისტრს ირაკლი ღარიბაშვილს და საქართველოს მთავრობას მხარდაჭერისთვის, ერთად ვიზრუნოთ ჩვენი რეგიონების განვითარებასა და აღმშენებლობაზე,"-ამბობს დეპუტატი.