რიკოთზე მოძრაობა კვლავ ჩაკეტილია

ქუთაისი-თბილისის დამაკავშირებელი ცენტრალური საავტომობილო გზა კვლავ ჩაკეტილია.

რიკოთის უღელტეხილზე მეწყერის საფრთხის მიზეზით, საავტომობილო გზა გასულ კვირას დაიკეტა. მოქალაქეებს გადაადგილება ალტერნატიული-გომი-საჩხერე-ჭიათურის გზით უწევთ.

როგორც მძღოლები აცხადებენ, ჩაკეტილი გზის მიზეზით იზრდება როგორც გადაადგილების დრო, ისე საწვავის ხარჯი.

საავტომობილო გზების დეპარტამენტის განცხადებით, ადგილზე მუშაობენ სპეციალისტები, რათა დროულად მოხდეს მოძრაობის აღდგენა.