მამუკა ხაზარაძე ქუთაისში მოსახლეობას შეხვდა

“ლელო საქართველოსთვის” თავჯდომარე მამუკა ხაზარაძე და პარტიის გენერალური მდივანი, ირაკლი კუპრაძე, ქუთაისში, ავტოქარხნის დასახლებაში მცხოვრებ მოსახლეობას შეხვდნენ.

პარტიის ინფორმაციით, შეხვედრაზე "ლელოს" ლიდერებმა ქუთაისის განვითარების პერსპექტივაზე, საქართველოში არსებულ პოლიტიკურ ვითარებასა და ევროპისკენ მიმავალ გზაზე არსებულ პრობლემებზე ისაუბრეს.

"ლელოს" ლიდერებმა შეკრებილებს დეტალურად გააცნეს გერმანიის საგარეო საქმეთა მინისტრთან შეხვედრის/საუბრის დეტალები,"-ნათქვამია გავრცელებულ ინფორმაციაში.

"ქუთაისს აქვს პერსპექტივა, იყოს მსოფლიო ჰაბი. აქ უნდა მუშაობდნენ მსოფლიო კომპანიები. მჯერა, რომ შეგვიძლია გავაკეთოთ დიდი პროექტები - ამიტომაც ვარ აქ. ერთად შეგვიძლია, ეს ქვეყანა გავხადოთ ძლიერი, დაცული და მდიდარი,"-ამბობს მამუკა ხაზარაძე.