25 მარტს, 20:30 საათზე მოსახლეობას ერთი საათით, ელექტროენერგიის გამოყენებაზე უარის თქმისკენ მოუწოდებენ

25 მარტს, 20:30 საათზე მოსახლეობას ერთი საათით, ელექტროენერგიის გამოყენებაზე უარის თქმისკენ მოუწოდებენ.

"შეუერთდი გლობალურ მოძრაობას, აღნიშნე დედამიწის საათი! უარი თქვი ელექტროენერგიის გამოყენებაზე, აჩუქე დედამიწას ერთი საათი და იზრუნე პლანეტაზე.

დედამიწის საათის ისტორია 2007 წლიდან დაიწყო და დროთა განმავლობაში ერთ-ერთ უდიდეს გლობალურ სამოქალაქო მოძრაობად ჩამოყალიბდა.

ამ დღის მიზანია კლიმატის ცვლილების შესახებ საზოგადოების ინფორმირება და გარემოსდაცვითი ცნობიერების ამაღლება. საქართველოში აღნიშნულ კამპანიას უერთდებიან როგორც სახელმწიფო, ისე საერთაშორისო, არასამთავრობო ორგანიზაციები,"-ნათქვამია ღონისძიების ანონსში.