ქუთაისში, ქუთაისელი მეეზოვეების ნახატები გამოიფინა

ქუთაისში მეეზოვის დღე აღინიშნა.

ა(ა) იპ "სპეციალური სერვისების" ადმინისტრაციის ინიციატივით, ქალაქს პროფესიული დღესასწაული მეეზოვეებმა: გაბრიელ მშვენიერაძემ, ვარლამ ფესტვენიძემ, პოლიკარპე ხურციამ და მიხეილ სახამბერიძემ თავიანთი შემოქმედებითი ნამუშევრების გამოფენით მიულოცეს. აღნიშნული პირები თავიანთი პროფესიული მოვალეობის შესრულების პარალელურად, დროს ხელოვნების ნიმუშების შექმნასაც უთმობენ.

"გამოფენის ავტორები დამთვარიელებლებს აცნობდნენ ნამუშევრების შექმნის ისტორიას და მისი ტექნიკურად შესრულების დეტალებს. ფოტოობიექტივში აღბეჭდილი და ტილოებზე ასახული კადრები დამთვარიელებლებს გულგრილად არ ტოვებდა. საინტერესო იყო გამოფენაზე წარმოდგენილი ხეში გაცოცხლებული ქართული ჩუქურთმის მრავალსახეობაც.

ა(ა) იპ "სპეციალური სერვისების" დირექციამ გამოფენის მონაწილეებს სასაჩუქრე ბარათები გადასცა, მსგავსი ღონისძიებები მომავალშიც ჩვენი მხრიდან აქტიურად იქნება მხარდაჭერილი,"-ამბობს ააიპ "სპეციალური სერვისების" საზოგადოებასთან ურთიერთობის განყოფილების ხელმძღვანელი გიორგი მჟავანაძე.