იმერეთის გუბერნატორს ახალი ავტომობოლი ჰყავს

იმერეთის გუბერნატორს, ზვიად შალამბერიძეს ახალი ავტომობილი ჰყავს. როგორც ცნობილია, რწმუნებულს "ტოიოტა ქამრის" მარკის ავტომობილი სარგებლობის უფლებით გადასცეს.

"აღნიშნული ავტომობილი, რომელიც გამოირჩევა ეკონომიურობით, სახელმწიფო რწმუნებულის ადმინისტრაციას სარგებლობაში გადმოეცა სახელმწიფოსგან. არსებული ავტოპარკი არის ძალიან მოძველებული და ხარჯიანი. შესაბამისად, საჭიროებდა განახლებას,"-აცხადებენ იმერეთის სამხარეო ადმინისტრაციაში.

ცნობისთვის, სამსახურებრივი ავტომობილი ასევე შეცვალა ქუთაისის მერმა. იოსებ ხახალეიშვილის თქმით, ახალი ავტომობილი ეკონომიურობით გამოირჩევა.