ქუთაისის მაჟორიტარს კაბინეტი დაულუქეს

ქუთაისის მაჟორიტარის, ზაზა ლომინაძის სამუშაო ოთახის კარი წებოვანი ლენტით დალუქეს. ქუთაისის საკრებულოს "ნაციონალური მოძრაობის" წევრმა თედო მესხმა მაჟორიტარს კაბინეტი მას შემდეგ დაულუქა, რაც ცნობილი გახდა, რომ ზაზა ლომინაძემ ე.წ. აგენტების შესახებ კანონს მხარი დაუჭირა.

ამ წუთებში, ქუთაისში, ცენტრალურ მოედანზე საპროტესტო აქცია მიმდინარეობს.

აქციის მონაწილეთა თქმით, "ხალხის ძალის" მიერ შემუშავებული და "ქართული ოცნების" მიერ პირველი მოსმენით მიღებული ორივე კანონპროექტი ქვეყანას საბჭოთა პერიოდში აბრუნებს. აქციის მონაწილეები იმასაც ამბობენ, რომ კანონის ამოქმედების შემდეგ ქვეყანას კიდევ უფრო მეტი ადამიანი დატოვებს, რაც მმართველს გუნდს დარჩენილი მცირე რაოდენობის გაკონტროლების საშუალებას მისცემს.