ხარაგაულში, ‘რწყილზე და ჭიანჭველაზე’ ფილმს იღებენ

ხარაგაულში ქართული ხალხური ზეპირსიტყვიერების ერთ-ერთი ცნობილი ნიმუშის, “რწყილი და ჭიანჭველას“ ამბავს ფილმად იღებენ.

ფილმზე კინო ქალაქი ,,სინემა“-ს გადამღები ჯგუფი მუშაობს.

ფილმში რწყილს პატარა მეზღაპრე გოგონა ანა ჭუმბურიძე, ხოლო ჭიანჭველას სოლომონ კურტანიძე ასახიერებს.

ფილმის გადაღებაში ხარაგაულის მერიის კულტურის სამსახურის უფროსი, მსახიობი ირინე ჩხეიძე ჩაერთო.

“ეს ის არაჩვეულებრივი ამბავია საუკუნეების განმავლობაში თაობიდან თაობას, რომ გადაეცემოდა და თითქმის ყველა ქართველმა ზეპირად იცის.

თუ ვინ თამაშობს ფილმში ღორს, მუხის ხეს, ყვავს, კრუხს, ფეტვით სავსე ორმოს, თაგვს, კატას და ძროხას ამას ფილმის დასრულების შემდეგ ვნახავთ, რომლის პრეზენტაციაც 30 ივლისს, კინო ქალაქ ,,სინემას”-ს საზეიმო დახურვაზე, ხარაგაულის კინოთეატრში გაიმართება,”-აცხადებენ ხარაგაულის მერიაში.