ონში, სოფელ ფსორი-ბაჯიხევის მიმართულებით გზის სხვადასხვა მონაკვეთი ჩაწყდა

ონის მუნიციპალიტეტში მოსულმა უხვმა ნალექმა მეწყრული პროცესები გაააქტიურა, რამაც სოფელ ფსორი-ბაჯიხევის მიმართულებით საგზაო ინფრასტრუქტურის დაზიანება გამოიწვია.

ჩაწყვეტილია გზის სხვადასხვა მონაკვეთი, რის გამოც აღნიშნული მიმართულებით ნებისმიერი ავტოსატრანსპორტო საშუალებით გადაადგილება აკრძალულია.

უსაფრთხოებიდან გამომდინარე, მოსახლეობას შეუძლია ისარგებლოს სოფელ ჩორდი-ბაჯიხევის შემოვლითი გზით.

ონის მუნიციპალიტეტის მერის ინიციატივით შექმნილია, უამინდობისგან გამოწვეული პრობლემის დროულად მოგვარების მიზნით, სტიქიის შემსწავლელი დროებითი სამუშაო ჯგუფი, რომელიც მიყენებულ ზარალს დაითვლის.