ქუთაისის საკრებულოს თავმჯდომარის მოადგილის ქონებრივი დეკლარაცია

ქუთაისის საკრებულოს თავმჯდომარის მოადგილემ გია ბასილაძემ ქონებრივი დეკლარაცია 2022 წლის 3 თებერვალს შეავსო.

დეკლრაციის მიხედვით, გია ბასილაძეს მეუღლე და ერთი შვილი ჰყავს. ამავე დოკუმენტის თანახმად, მწირია საკრებულოს თავმჯდომარის მოადგილის ქონების ნუსხაც. გია ბასილაძე ფლობს ქუთაისში, მუსხელიშვილის ქუჩაზე მდებარე საცხოვრებელ სახლს, რომელიც 2015 წელს მემკვიდრეობით აქვს მიღებული.

ქონებრივი დეკლრაციის თანახმად, არც გია ბასილაძე და არც მისი ოჯახი არ ფლობენ ფასიან ქაღალდებს და წილებს კომპანიებში. საკრებულოს თავმჯდომარის მოადგილე იპოთეკური სესხით სარგებლობს, რომელსაც ვადა 2029 წელს გადის.