იმერეთის პოლიციაში საკადრო ცვლილებებია

იმერეთის რაჭა-ლეჩხუმისა და ქვემო სვანეთის პოლიციის დეპარტამენტის დირექტორის მოადგილე დააწინაურეს. თეიმურაზ კალანდაძე შიდა ქართლის პოლიციის დეპარტამენტის დირექტორად დაინიშნა.

რაც შეეხება იმერეთის რაჭა-ლეჩხუმის და ქვემო სვანეთის პოლიციის დეპარტამენტის დირექტორის მოადგილის პოსტს, აღნიშნული თანამდებობა ლევან დარახველიძემ დაიკავა. დარახველიძე ამ დრომდე ონის რაიონული სამმართველოს ხელმძღვანელად მუშაობდა.