‘ბიძინა სად არის განახევრებული ტარიფები?!,’-აქცია ქუთაისში

“გამდიდრებული მთავრობა, მოტყუებული ხალხი”, “ბიძინა სად არის განახევრებული ტარიფები?!,” “როდემდე”?-ამ და სხვა სლოგანებით ქუთაისის მერიის წინ “ნაციონალური მოძრაობის” აქცია მიმდინარეობს.

ქალაქის საკრებულოს ფრაქცია “ნაციონალური მოძრაობის” თავმჯდომარის გიგა შუშანიას თქმით, თვის ბოლოს როდესაც ქუთაისის მოსახლეობას გაძვირებული გადასახადები მიუვა, ისინი ვერ შეძლებენ კომუნალურების დაფარვას, რაც კოლაფს გამოიწვევს.

შუშანია ამბობს, რომ იმერეთის გუბერნატორის ადმინისტრაციას წერილით და კითხვით მიმართავენ: მუშაობს თუ არა გუბერნატორის ადმინისტრაცია ცენტრალურ ხელისუფლებასთან ერთად, რათა მოსახლეობა კოლაფსის წინაშე არ დადგეს.