ქუთაისელები დღეს ქალაქის მერს აირჩევენ

ქუთაისში დღეს მერის არჩევნების მეორე ტური გაიმართება.

მოქალაქეები არჩევანს ორ კანდიდატს შორის გააკეთებენ.

მეორე ტურში ქუთაისის მერობისთვის ერთმანეთს “ქართული ოცნების” კანდიდატი იოსებ ხახალეიშვილი და ოპოზიციის კანდიდატი ხატია დეკანოიძე დაუპირისპირდებიან.

2021 წლის ადგილობრივი თვითმმართველობის არჩევნებისთვის ქუთაისში სულ 153 726 ამომრჩეველია რეგისტრირებული.

ქუთაისელები საკუთარი არჩევანის დაფიქსირებას 124 საარჩევნო უბანზე შეძლებენ. აქედან ორი სპეცუბანია.