ზესტაფონში ჰიდროელქტროსადგურის მშენებლობა იგეგმება

ზესტაფონში, კაშხლის მიმდებარე ტერიტორიაზე 0, 75 მგვტ სიმძლავრის ჰიდროელექტროსადგურის მშენებლობა 2021 წლის ბოლომდე იგეგმება. ეს იქნება პირველი ჰიდროელექტროსადგური საქართველოში, რომლის მშენებლობას იტალიური კომპანია ულტრა თანამედროვე ტექნიკით განახორციელებს.

პროექტის ფარგლებში, კომპანია „მირა მაქს ენერჯის“ ასევე, ქართული სამშენებლო კომპანიის წარმომადგენლები, ქალაქის მერს გიორგი გოგლიჩიძეს და ვიცე-მერს, დავით მაღრაძეს შეხვდნენ.

როგორც სპეციალისტები განმარტავენ, გარდა იმისა, რომ მისი მშენებლობა საქართველოს ენერგეტიკული პლატფორმისთვის წინ გადადგმული ნაბიჯია, ასევე, ზესტაფონში ჰიდროელექტროსადგურის მშენებლობით 6 მილიონი ლარის ინვესტიცია განხორციელდება. მშენებლობაზე დაახლოებით 30 ადგილობრივი დასაქმდება.