Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

“ბოლო 24 საათში გამოვლინდა ვირუსით ინფიცირების 88 ახალი დადასტურებული შემთხვევა. გასულ დღეებთან შედარებით ციფრი გაიზარდა და შეიძლება ითქვას, რომ ეს არის საგანგაშო სიგნალი იმერეთისთვის”

თარიღი : 6-04-2021, 17:53 | კატეგორია: ახალი ამბები, მთავარი თემა   
topnews.com.ge
იმერეთში სახელმწიფო რწმუნებულმა ზვიად შალამბერიძემ, ონლაინ პლატფორმის საშუალებით მერებთან, რეგიონში არსებული ეპიდვითარება განიხილა და იმუნიზაციის პროცესის მიმდინარეობაზე ისაუბრა.

სახელმწიფო რწმუნებულმა ეპიდემიოლოგიური მდგომარეობის გათვალისწინებით რეგულაციების დაცვასა და კონტროლის მექანიზმზე იმსჯელა.

“ვხედავთ რა მდგომარეობაა ქვეყანაში და ჩვენს რეგიონში. შევდივართ იმ ფაზაში, რომელსაც მესამე ტალღა ქვია. საკმარისზე მეტი გამოცდილება გვაქვს კრიზისულ პერიოდში მუშაობის და უნდა გავაგრძელოთ პანდემიის მართვა მაქსიმალურად ეფექტურად. რეგიონში ბოლო 24 საათში გამოვლინდა ვირუსით ინფიცირების 88 ახალი დადასტურებული შემთხვევა. გასულ დღეებთან შედარებით ციფრი გაიზარდა და შეიძლება ითქვას, რომ ეს არის საგანგაშო სიგნალი იმერეთისთვის.

რეგულაციების დაცვის თვალსაზრისით აუცილებელია აღსრულების ნაწილის გამკაცრება და თითოეულ დარღვევაზე შესაბამისი ღონისძიებების გატარება. COVID-19-ის პანდემიის წინააღმდეგ ბრძოლაში უმნიშვნელოვანესია პირბადეების სწორად გამოყენება და სოციალური დისტანციის დაცვა. გარდა ამისა, შეზღუდვების აღსრულების მიმართულებით, კიდევ უფრო აქტიურად უნდა ჩაერთოს 12-ვე მუნიციპალიტეტის შესაბამისი სამსახურები, გამოიყენეთ ყველა რესურსი და აკონტროლეთ მდგომარეობა. მნიშვნელოვანია, თითოეული ნაბიჯი იყოს ფრთხილი, რათა ეს უარყოფითად არ აისახოს ეპიდემიოლოგიურ მდგომარეობაზე და საჭირო არ გახდეს მოხსნილი შეზღუდვების ხელახლა დაწესება” - ზვიად შალამბერიძე.

ვიდეოკონფერენციისას სახელმწიფო რწმუნებულმა რეგიონში მიზნობრივი ჯგუფების ვაქცინაციის პროცესის შეუფერხებლად მიმდინარეობაზეც ისაუბრა.


ნანახია: 190-ჯერ

მსგავსი სიახლეები

ამინდი