ტყიბულის სოფელ მუხურას გზაზე მოძრაობა თავისუფალია

ტყიბულში, მუხურა-ტყიბულის საავტომობილო გზაზე მოძრაობა თავისუფალია.

ტყიბულის მერიის ინფორმაციით, გზის აღნიშნულ მონაკვეთზე დაიყარა ტექნიკური მარილი და ავტოტრანსპორტით გადაადგილება შეუფერხებლად არის შესაძლებელი.

შეგახსენებთ, რომ სოფელ მუხურას გზა ზამთრის პერიოდში ხშირად იკეტება, რის გამოც მოსახლეობა ალტერნატიული, მუხურა-მუჯირეთის გზის მოწყობას ითხოვს.