Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

1-ლი ადგილი მსოფლიოს 747 ტიტულოვან მოჭადრაკეთა შორის - იმერელი მოჭადრაკის ტრიუმფი

თარიღი : 28-01-2021, 15:12 | კატეგორია: ახალი ამბები, მთავარი თემა   
topnews.com.ge
გიგა ყუფარაძე საერთაშორისო ონლაინ საჭადრაკო ტურნირის "Titled Tuesday Blitz" გამარჯვებული გახდა. იმერელმა დიდოსტატმა გადამწყვეტ ტურში მსოფლიოს ერთ-ერთი უძლიერესი მოჭადრაკე, ამერიკელი ჰიკარუ ნაკამურა დაამარცხა და 1-ლი ადგილი მოიპოვა.

ასპარეზობა შვეიცარული სისტემით 11 ტურად გაიმართა. მასში 68 ქვეყნის 747 ტიტულოვანი მოჭადრაკე მონაწილეობდა.

"სამშაბათობით, "chess.com"-ზე ტარდება ხოლმე ყოველკვირეული ტურნირი, სადაც ძალიან ბევრი ცნობილი მოჭადრაკე თამაშობს. ერთი მთავარი მოთხოვნაა, წოდებიანი მოჭადრაკეები უნდა იყვნენ. ამ ტურნირზე დაახლოებით 750-მდე მონაწილე თამაშობდა. 11 ტურად ტარდებოდა, აქედან 10 ქულა ავიღე და ბოლოს წინა ტურში, მსოფლიოს ერთ-ერთი უძლიერესი მოჭადრაკე დავამარცხე, ამით ფაქტობრივად ჩემპიონი გავხდი.

მნიშვნელოვანი ტურნირი იყო ჩემთვის. პირველი ადგილის აღება ასეთ ძლიერ და ცნობილ მოჭადრაკეთა შემადგენლობაში, ძალიან სასიხარულოა. რთულია ასეთი ტურნირების მოგება, მიხარია რომ მოვახერხე"-ამბობს გიგა ყუფარაძე Topnews.com.ge-სთან.

ცნობისთვის, ტურნირი ყოველ სამშაბათს იმართება და ვირტუალურ საჭადრაკო სივრცეში ყველაზე წარმომადგენლობითია. მასში მონაწილეობა მხოლოდ საერთაშორისო ტიტულის მქონე მოჭადრაკეებს შეუძლიათ.

ავტორი: ქეთი გელაშვილი


ნანახია: 485-ჯერ

მსგავსი სიახლეები
მასში მონაწილეობას სხვადასხვა რეგიონიდან ჩამოსული დაახლოებით 200-მდე მოჭადრაკე იღებდა.
საერთაშორისო დიდოსტატის წოდება ქალთა შორის მან 1976 წელს მოიპოვა, 1978 წელს ჭადრაკის ისტორიაში პირველად კი მამაკაცთა შორისაც.

ამინდი