ქუთაისში პიროტექნიკით ორი ადამიანი დაშავდა

13 იანვრის საღამოს, ქუთაისში პიროტექნიკით დაზიანების ორი მსუბუქი შემთხვევა დაფიქსირდა. როგორც Topnews.com.ge-ს სასწრაფო სამედიცინო დახმარების სამსახურის ქუთაისის ცენტრის დირექტორმა მაია რუხაძემ, განუცხადა, ორივე პაციენტი ჰოსპიტალიზირებულია.

"მხოლოდ ორი გამოძახება გვქონდა პიროტექნიკით დაზიანებული პაციენტებისგან, ორივე ჰოსპიტალიზირებულია, ინტერვენციულში, მსუბუქი დაზიანებებით," -განაცხადა მაია რუხაძემ.

ცნობისთვის, 31 დეკემბრის ღამეს ქუთაისში პიროტექნიკით დაზიანების 3 შემთხვევა დაფიქსირდა.


ავტორი: ქეთი გელაშვილი