Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ხონში გამწვანების და საქველმოქმედო ღონისძიებები გაიმართა

თარიღი : 19-10-2020, 21:48 | კატეგორია: პოლიტიკა   
topnews.com.ge
აფხაზეთის ავტონომიური რესპუბლიკის მთავრობის ინიციატივით ხონში საქველმოქმედო, გამწვანების და სპორტული ღონისძიებები გაიმართა.

აფხაზეთის ავტონომიური რესპუბლიკის მთავრობის ინიციატივით ქალაქ ხონის №4 საჯარო სკოლის დაწყებითი კლასის 100-მდე მოსწავლეს საბავშვო, ილუსტრირებული ბიბლია, თემატური გასაფერადებელი ჟურნალები და სახატავი ფანქრები გადაეცა. მოზარდებს მიესალმნენ და საჩუქრები გადასცეს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, ხონის მუნიციპალიტეტის მერმა ლადო ჯურხაძემ და ხონისა და სამტრედიის ეპარქიის მიტროპოლიტმა მეუფე საბამ.

დღესვე, ქალაქ ხონში გამწვანების აქცია მოეწყო, რომლის ფარგლებშიც №4 საჯარო სკოლის, საბავშვო ბაღის, ხონის ეკლესიისა და დევნილთა დასახლების მიმდებარე ტერიტორიებზე 200 ძირი ელდარის ფიჭვის ნერგი დაირგო.

მოგვიანებით, ქალაქ ხონის სტადიონზე ადგილობრივი და დევნილი ახალგაზრდების მონაწილეობით მინიფეხბურთში ტურნირი გაიმართა. გამარჯვებულებს თასები, მედლები და სპორტული აღჭურვილობის სრული კომპლექტი გადაეცათ.

ღონისძიებები იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის, აფხაზეთის ავტონომიური რესპუბლიკის სულიერების ცენტრის და კულტურის, სპორტის და ახალგაზრდულ საქმეთა სააგენტოს ორგანიზებითა და ბაკურ სულაკაურის გამომცემლობისა და კომპანია „კარფურის“ მხარდაჭერით ჩატარდა. ორგანიზებაში ასევე აქტიურად იყო ჩართული აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს იმერეთის ტერიტორიული ორგანო და ხონის დევნილთა საინიციატივო ჯგუფი.


ნანახია: 176-ჯერ

მსგავსი სიახლეები
აფხაზეთის ავტონომიური რესპუბლიკის მთავრობის ინფორმაციით, პროექტის მიმდინარეობის პროცესი მთავრობის ხელმძღვანელს
ქუთაისის აკაკი წერეთლის სახელობის უნივერსიტეტში, აფხაზეთის ავტონომიური რესპუბლიკის მთავრობის თავმჯდომარის მოვალეობის
ოჯახს ფულადი თანხა და პირველადი საჭიროების საკვები პროდუქტები გადაეცა.

ამინდი