იყენებს თუ არა ‘ქართული ოცნება’ სასულიერო პირებს საარჩევნოდ?

ქუთაისის შემდეგ, ქუთათელ-გაენათელი მიტროპოლიტი მეუფე იოანე "ოცნების" პარტიულ ღონისძიებას უკვე წყალტუბოში დაესწრო, სადაც მმართველი პარტიის ლიდერებმა მაჟორიტარობის კანდიდატი წარადგინეს.

მეუფე იოანე "ოცნების" პარტიულ შეხვედრაზე დასწრებას იმით სნის, რომ მან პატივი სცა ხელისუფლების ღონისძიებას.

"თქვენ მე გგონივართ ახლა ადამიანი, რომელსაც ჭკუა უნდა ასწავლოთ? ჩემი გამოსვლა იყო მხარდაჭერის?! გეკითხებით, იყო?! ჩემი სიტყვით გამოსვლა, იყო? - არა. მე მივაგე პატივი ხელისუფლების პირველი პირის მოსვლას აქ. გუშინაც და დღესაც,”-ამბობს მეუფე იოანე.