რიკოთის გვირაბის მახლობლად მანქანა იწვის (კადრები შემთხვევის ადგილიდან)

თბილისი-სენაკი-ლესელიძის ავტომაგისტრალზე ავტომობილი იწვის.
მსუბუქ ავტომობილს ცეცხლი, რიკოთის გვირაბის მახლობლად, რამდენიმე წუთის წინ გაუჩნდა.
როგორც თვითმხილეველებმა იმერეთის ახალი ამბების სააგენტო TOPNEWS.COM.GE-ს განუცხადეს, მანქანიდან მძღოლმა და მგზავრებმა გადმოსვლა უვნებლად მოასწრეს.
შემთხვევის შედეგად, აღნიშნულ მონაკვეთზე შეფერხებულია საავტომობილო მიმოსვლა.
ადგილზე საპატრულო პოლიციის ეკიპაჟები და სასწრაფო სამედიცინო დახმარების ბრიგადებია მობილიზებული.