თემურ ჭყონია-ის ახალგაზრდები, რომლებიც დაბადების დღეს 'მაკდონალდსში' გადაიხდიან, მომავალი პოლიტიკოსები იქნებიან

ქუთაისის ცენტრალურ მოედანზე "მაკდონალდსის" ახალი რესტორანი გაიხსნა. საზეიმო ლენტი ქუთაისის მერმა შოთა მურღულიამ, მაკდონალდს საქართველოს“ პრეზიდენტმა თემურ ჭყონიამ და მაკდონალდსის“ გენერალური დირექტორი —თენგიზ კაპანაძემ გაჭრეს. მათ ახალი რესტორნის მნიშვნელობაზე და სამომავლო გეგმებზე ისაუბრეს.

თემურ ჭყონიას თქმით, "მაკდონალდსი" არ იქნება მხოლოდ რესტორანი და სწრაფი კვების ობიექტი. ის იქნება სივრცე ახალგაზრდებისათვის.

"ის ახალგაზრდები, რომლებიც დაბადების დღეს "მაკდონალდსში" გადაიხდიან, მომავალი პოლიტიკოსები იქნებიან," - განაცხადა ჭყონიამ.

ქუთაისის მერის შოთა მურღულიას თქმით, მისთვის დაუჯერებელი იყო ის ფაქტი, რომ შეიძლებოდა სწრაფი კვების რესტორნის მოკლე ვადებში აშენება.

"ეს იქნება ყველაზე ცოცხალი ადგილი ქალაქში. მიხარია, რომ ქალაქის ცენტრში არის ადგილი, სადაც ყოველდღიურად ათასობით ადამიანი მიიღებს მომსახურებას," - განაცხადა მურღულიამ.