ქუთაისში,ცხოველთა თავშესაფარში ძაღლს თვალის ოპერაცია საერთაშორისო დონის ვეტერინარმა ჩაუტარა

თარიღი : 15-10-2016, 16:06 | კატეგორია: ახალი ამბები

ა(ა)იპ "სპეციალური სერვისების "ცხოველთა მუნიციპალურ თავშესაფარს სოფლის მეურნეობის განვითარების საერთაშორისო ასოციაციის "IAAP" პრეზიდენტი, ვეტექიმი, პროფესორი ამირან კოჩალიძე უკვე მეორედ სტუმრობდა. საერთაშორისო კვალიფიკაციის მქონე ვეტექიმმა "სპეციალური სერვისების" ვეტერინარებთან ერთად, თავშესაფრის ერთ-ერთ ბინადარს, ძაღლს თვალის ტრამვის ურთულესი ოპერაცია ჩაუტარა.

"მოწვეულმა პროფესორმა აღნიშნა, რომ ის მეორედ იმყოფება ქუთაისის "ცხოველთა მუნიციპალურ თავშესაფარში"და გარემო, რომელიც სამუშაოდ დახვდა, შეესაბამება თანამედროვე სტანდარტებს. ახალადრეაბილიტირებულ სამედიცინო ბლოკში ოპერაციის მიმდინარეობას ადგილზე იმერეთის მხარის ვეტერინალური კლინიკების წარმომადგენლები და სტუდენტები დაესწრნენ. ოპერაცაიმ წარმატებით ჩაიარა.

http://www.picz.ge/img/s3/1610/15/5/529305a55168.jpg

ა(ა)იპ "სპეციალური სერვისების" ცხოველთა მუნიციპალურ თავშესაფარში განხორციელებულ ოპერაციას ადგილზე კომპანიის გენერალური დირექტორი გელა გაგუა გაეცნო. მან მადლობა გადაუხადა ამირან კოჩალიძეს გაწეული მაღალკვალიფიციური სამედიცინო მომსახურებისა და იმ ინტერესისადმი, რასაც იგი იჩენს ქუთაისის "ცხოველთა მუნიციპალური თავშესაფრის" მობინადრეთა მისამართით,"- ნათქვამია "აპეციალური სერვისების" საზოგადოებასთან ურთიერთობის სამსახურის მიერ გავრცელებულ განცხადებაში.

ნანახია: 2988-ჯერ