'მაქსიმალურად შევეცდები დავეხმარო ჩემს თანაგუნდელებს',- ომარ ნიშნიანიძე 'ოცნების' ერთგული რჩება

საქართველოს მეცხრე მოწვევის პარლამენტში არ აღმოჩნდა "ქართული ოცნების" წევრი და მერვე მოწვევის პარლამენტის დეპუტატი ომარ ნიშნიანიძე. როგორც ნიშნიანიძე საინფორმაციო სააგენტო Topnews.com.ge-თან საუბრისას განმარტავს, პოლიტიკურ ცხოვრებას დეპუტატის მანდატის გარეშეც განაგრძობს და "ქართული ოცნების" გუნდის წევრად რჩება.

“რა თქმა უნდა ვრჩები "ქართული ოცნების" გუნდის წევრად და ვაგრძელებ აქტიურ პოლიტიკურ ცხოვრებას. აღმასრულებელ ორგანოში ვიქნები თუ პარტიაში, ისევ ისე განვაგრძობ ჩემ საქმეს. კონკრეტულად სად ვიქნები, ვერ გეტყვით. ამჟამად ისევ ქუთაისში ვარ, წინ მეორე ტური გვაქვს და მაქსიმალურად შევეცდები დავეხმარო ჩემს თანაგუნდელებს გამარჯვების მოპოვებაში,“- განაცხადა ნიშნიანიძემ.

ხატია ბანძელაძე