ქუთაისის ახალი ვიცე-მერის ვინაობა ცნობილია

ქუთაისის ახალი ვიცე-მერის თანამდებობას რეგიონული განვითარებისა და ინფრასტრუქტურის დეპარტამენტის უფროსი ნოდარ მიქიაშვილი დაიკავებს. ამის შესახებ ჟურნალისტებს, ქალაქის მერის მოვალეობის შემსრულებელმა შოთა მურღულიამ განუცხადა.

მიქიაშვილის თქმით, ის მზადაა, ქალაქს ემსახუროს და იმედოვნებს, რომ საკონკურსო კომისია მხარს დაუჭერს.

"მე მზად ვარ, დავიკავო აღნიშნული თანამდებობა, თუ ამის საშუალებას საკონკურსო კომისია მომცემს. მე მინდა, რომ ქუთაისს უკეთესი ხვალინდელი დღე ჰქონდეს", - განაცხადა მიქიაშვილმა.