დავით უსუფაშვილი ჭიათურაში პარტიის კანდიდატების მხარდასაჭერად ჩავიდა

“რესპუბლიკური პარტიის” პირველი ნომერი დავით უსუფაშვილი ჭიათურაში მაჟორიტარი დეპუტატობის კანდიდატ მალხაზ წერეთლისა და გამგებლობის კანდიდატ მურმან ბარათაშვილის მხარდასაჭერად ჩავიდა.

პარტიის პრესსამსახურის მიერ გავრცელებული ინფორმაციით, დავით უსუფაშვილი ამომრჩეველს და დაინტერესებულ პირებს ჭიათურის ქუჩებში შეხვდა.

”რესპუბლიკელების“ ლიდერებმა ჭიათურის მოსახლეობას პარტიის წინასაარჩევნო პროგრამა, ხედვები და პრიორიტეტები გააცნეს, მოისმინეს ამომრჩევლის აზრი არსებულ პრობლემებსა და აქტუალურ საკითხებზე.