ბაღდათის ყოფილი გამგებელი სასამართლო დარბაზიდან გირაოს სანაცვლოდ გაათავისუფლეს

ბაღდათის ყოფილი გამგებელი, ირაკლი გეგეშიძე, რომელსაც სუს-ის ანტიკორუფციული სააგენტო, სამსახურებრივი უფლებამოსილების ბოროტად გამოყენებისა და სამსახურებრივი მდგომარეობის გამოყენებით დიდი ოდენობით თანხების გაფლანგვას ედავებოდა, სასამრთლო დარბაზიდან 230 000 ლარის გირაოს სანაცვლოდ გაათავისუფლეს.
აღნიშნული გადაწყვეტილება თბილისის საქალაქო სასამართლოს მოსამართლემ შორენა გუნცაძემ მიიღო.

შეგახსენებთ, რომ 26 აპრილს, სუს-ის ანტიკორუფციულმა სააგენტომ ბაღდათის გამგებელი, ირაკლი გეგეშიძე სამსახურებრივი უფლებამოსილების ბოროტად გამოყენებისა და სამსახურებრივი მდგომარეობის გამოყენებით დიდი ოდენობით თანხების გაფლანგვის ფაქტზე დააკავეს. გამოძიება მას 227 654,80 ლარის საბიუჯეტო თანხების გაფლანგვას ედავება. საქმე 2015 წლის 26 თებერვალს გამოცხადებულ გამარტივებულ ელექტრონულ ტენდერს ეხება, რომელიც სსიპ ,,თვითმმართველი ერთეული ბაღდათის მუნიციპალიტეტმა’’ ბაღდათი - ზეგანი - საკრაულას დამაკავშირებელი გზის რეაბილიტაციის მიზნით გამოაცხადა.