წერეთლის უნივერსიტეტში გამარჯვებული სტუდენტები დაჯილდოვდნენ

ქუთაისის აკაკი წერეთლის სახელმწიფო უნივერსიტეტში სტუდენტური თვითმმართველობის მიერ ორგანიზებული ,,სტუდენტური დღეები 2013“ კონცერტით დასრულდა.
"სტუდენტური დღეების" ფარგლებში, რომელიც 2 კვირის მანძილზე მიმდინარეობდა, სტუდენტებმა სხვადასხვა სპორტულ, კულტურულ და ინტელექტუალურ ღონისძიებაში მიიღეს მონაწილეობა.
"სტუდენტური დღეების" დასკვნით ღონისძიებაზე გამარჯვებული მონაწილეები სხვადასხვა პრიზით დაჯილდოვდნენ. კერძოდ, სპორტული ღონისძიების გამარჯვებულთათვის სიმბოლურად თასები და მედლები, ინტელექტუალურისათვის-წიგნები და მაისურები, ხოლო კულტურულისათვის- საათები და პლანშეტები იყო განსაზღვრული. "სტუდენტური დღეების" გამარჯვებული სტუდენტებისათვის პრიზების გადაცემის შემდეგ, საღამო ,,ოჩოს ქოხის“ კონცერტით გაგრძელდა.
,,კმაყოფილი ვარ სტუდენტების ინტერესითა და აქტიურობით.3000-მდე ახალგაზრდა იყო ჩართული ამ სანახაობრივ და ორგანიზებულ ღონისძიებებში,რაც საკმაოდ მაღალ დონეზე შედგა.ყველა მათგანს ვუსურვებ წარმატებას,“- ამბობს სასწავლებლის სტუდენტური თვითმმართველობის პრეზიდენტი ირაკლი ჯიშკარიანი.

თიკა გურგენიძე