ქუთაისის ბაგა-ბაღებს ცეკვის პედაგოგები ეყოლება

ქუთაისის 37-ვე ბაგა-ბაღში სწავლა 19 სექტემბრიდან განახლდება.

როგორც ბაგა-ბაღების გაერთიანების დირექტორი ნანა ლორთქიფანიძე ამბობს, ახალი სასწავლო წლისთვის ყველა ბაგა-ბაღი მზადყოფნაშია. მისივე თქმით, სიახლეს ქორეოგრაფიის გაკვეთილები და სველ წერტილებში დამატებული ცხელი წყალი წარმოადგენს.

„ახალი სასწავლო წლისთვის სრულ მზადყოფნას გამოვთქვამთ, მხოლოდ 29-ე ბაღის აღსაზრდელები გადანაწილდნენ სხვადასხვა ბაგა-ბაღებში, რადგან შენობაში რესტავრაცია უნდა დაიწყოს. რაც შეეხება სიახლეებს, ახალი სასწავლო წლიდან ბაგა-ბაღებს ქორეოგრაფიის მასწავლებლები დაემატება,“- განაცხადა ლორთქიფანიძემ.

ცნობისთვის, ახალი სასწავლო წლისთვის ქუთაისის 3 ბაგა-ბაღს მიშენებები მიემატა.