ბოტანიკურ ბაღში ქალაქის ცენტრალურ ნაწილთან დამაკავშირებელი ბონდის ხიდი აშენდება

"ქუთაისის ბოტანიკურ ბაღში ბონდის ხიდი გაკეთდება",-აღნიშნულის შესახებ ქალაქის მერიაში საინფორმაციო სააგენტო Topnews.com.ge-ს განუცხადეს.

პროექტი, რომლის მიხედვითაც ხიდი ბოტანიკურ ბაღს წმ.გიორგის ან ხარების ტაძართან დააკავშირებს, დამუშავების პროცესშია.

ბონდის ხიდის პროექტის შესახებ ქალაქის მერმა, რამდენიმე თვის წინ ბოტანიკურ ბაღში გამართულ ერთ-ერთ ღონისძიებაზე განაცხადა, რომ ახალი ბონდის ხიდი როგორც ტურისტებისთვის ასევე ადგილობრივებისთვის გამართლებული და წინ გადადგმული ნაბიჯი.

ცნობისთვის, ბოტანიკურ ბაღში განთავსებული ბონდის ხიდი რამდენიმე უბანს ქალაქის ცენტრალურ ნაწილთანაც დააკავშირებს.