ქუთაისში ქუჩების სარეაბილიტაციო სამუშაოები გრძელდება

ქუთაისში, კონსტანტინე გამსახურდიას, ოცხელის ქუჩის და ჭავჭავაძის გამზირის გადაკვეთაზე სარეაბილიტაციო სამუშაოები მიმდინარეობს. აღნიშნულ ადგილს სრული რეაბილიტაცია უტარდება, რაც ასფალტის საფარის დაგებას, ბორდიურების მოწყობასა და ტროტუარების აღდგენას გულისხმობს. სამუშაოები დღეს ქუთაისის მერმა შოთა მურღულიამ, საკრებულოს თავმჯდომარემ დავით დვალმა და მოადგილე ბექა ყანჩელმა დაათვალიერეს.

"ამასთან შშმ პირებისათვის ქუჩებზე პანდუსები ეწყობა. უკვე შეიცვალა წყლის მილები, რაც 2017 წელს 24 საათიან წყალმომარაგებას გულისხმობს. აღნიშნულ სამუშაოებს ტენდერში გამარჯვებული შ.პ.ს. „გზამშენი 21“ ახორციელებს. გზების რეაბილიტაცია მუნიციპალური განვითარების ფონდიდან 679 000 ლარით ფინანსდება,"- ნათქვამია მერიის პრესსამსახურის მიერ გავრცელებულ განცხადებაში.