ქუთაისში ტურისტული სეზონის დროს ცხოველთა მუნიციპალური თავშესაფრის გამართული მუშაობის მნიშვნელობაზე იმსჯელეს

ქუთაისში, ა(ა)იპ "სპეციალური სერვისების" ცხოველთა მუნიციპალურ თავშესაფარში ქუთაისის საკრებულოს ეკონომიკის, ქონების მართვისა და საქალაქო მეურნეობის კომისიის გასვლითი სხდომა გაიმართა.

დეპუტატებმა თავშესაფრის ხელმძღვანელთან ერთად, ძალთსაფარში განხორციელებული სამშენებლო-სარემონტო სამუშაოები დაათვალიერეს და სამომავლო გეგმებზეც ისაუბრეს.

ცხოველთა მუნიციპალურ თავშესაფარში აცხადებენ, რომ სარეაბილიტაციო სამუშაოების დასრულების შემდგომ, აქ არსებული პირობები ევრო სტანდარტებს დააკმაყოფილებს.

აღნიშნულ შეხვედრაზე საუბარი იყო მიწის ფართის გამოყოფის შესახებაც, სადაც დაღუპულ ცხოველებს დამარხავენ. სხდომის ერთ–ერთ განსახილველ თემას ტურისტული სეზონის დროს მუნიციპალური თავშესაფრის გამართული მუშაობის აუცილებლობა და ხელშეწყობა წარმოადგენდა.