უბისა-ღორეშის ცენტრალური გზის რეაბილიტაცია აგვისტოში დასრულდება

უბისა-ღორეშის ცენტრალური საავტომობლიო გზის სრული რეაბილიტაცია მიმდინარეობს.

პროექტის ფარგლებში, სოფელ უბისის საავტომობილო ხიდიდან ღორეშის ადმინისტრაციულ ცენტრამდე 5. 500 მ გზაზე ბეტონის საფარის მოწყობა ხორციელდება.

ამ ეტაპზე მობეტონებულია გზის 1. 200 მეტრიანი მონაკვეთი. გზის სრული რეაბილიტაცია კი აგვისტოს თვეში დასრულდება.

ხარაგაულის გამგეობის წარმომადგენლების თქმით, პროექტი რეგიონული განვითარების ფონდიდან 959 813 ლარით ფინანსდება, გზის მოსაბეტონებელ სამუშაოებს კი შპს „საპოვნელა“ ახორციელებს.