ქუთაისში ავარიისას ერთმანეთს 3 ავტომობილი შეეჯახა

ქუთაისში, რუსთაველის გამზირზე, „პრესის სახლის" მიმდებარე ტერიტორიაზე, ავტოსაგზაო შემთხვევა მოხდა. ავარიის დროს ერთმანეთს „ოპელ ვექტრა"-ს, „ფოლცვაგენ გოლფი"-სა და „ფოლცვაგენ ტუარედი"-ს მარკის ავტომობილები შეეჯახნენ.

ავარიის გამომწვევი სავარაუდო მიზეზი დაუდევრობაა.

ადგილზე მობილიზებულია საპატრულო ეკიპაჟი.

ავტოსაგზაო შემთხვევის შედეგად არავინ დაშავებულა .