ვანში სტიქიამ მოსახლეობა შუქის გარეშე დატოვა

ვანის მუნიციპალიტეტში ათასამდე აბონენტი ელექრტოენრგიის გარეშეა დარჩენილი. როგორც "ენერგო პრო ჯორჯიას" დასავლეთ საქართველოს ფილიალის საზოგადოებასთან ურთიერთობის სამსახურის წარმომადგენელი თეონა გეგუჩაძე აცხადებს, ძლიერი წვიმების შედეგად ელექტროენერგიის მიწოდების კუთხით პრობლემები მხოლოდ ვანის მუნიციპალიტეტს შეექმნა.

,,ვანის მუნიციპალიტეტში ძლიერი წვიმის, ქარისა და წყალმოვარდნების გამო ავარიულად იყო გათიშული რვა ფიდერი. მუშაობა დაუყოვნებლივ დაიწყო. დაზიანებული იყო გადამცემი ხაზების საყრდენები, გაწყვეტილია სადენები,"-ამბობს გეგუჩაძე.

როგორც "ენერგო პრო ჯორჯია"-ში აცხადებენ, ვანის მუნიციპალიტეტში ელექტროენერგიის მიწოდება ყველა აბონენტს დღის ბოლომდე აღუდგება.