ხონსა და ხონის სოფლებს 24 ივნისს შუქის მიწოდება შეუწყდებათ

24 ივნისს მაღალი ძაბვის გადამცემ ხაზზე „ღანირი-2“ დაგეგმილი სამუშაოების გამო 06:00 საათიდან 10:00 საათამდე ელექტროენერგიის მიწოდება შეეზღუდება დაახლოებით 9000 მომხმარებელს ხონსა და ხონის რაიონის სოფლებში. ინფორმაციას ამის შესახებ "ენერგო პრო ჯორჯია"-ს დასავლეთ საქართველოს ფილიალის საზოგადოებასთან ურთიერთობის სამსახური ავრცელებს.

ინფორმაციაში ნათქვამია, რომ დაზიანებული სადენის შეცვლის მიზნით დაგეგმილი სამუშაოების გამო ძაბვის მიწოდება 06:00-10:00 საათამდე ძეუწყდებათ მ/ძ ქვესადგურის „ხონი-1“ მომხმარებლებს ქალაქ ხონში და სოფლებში- საწულუკიძეო, ივანდიდი, გუბი, კუხი, სუხჩა, ხიდი, ნოღა, გორდი, კინჩხა, ძეძილეთი, ღვედი, გელავერი, მათხოჯი, ახალბედისეული, კონტუათი, ნახახულევი, დედალაური, ნამაშევი, ბესიაური.

"სამუშაოების დაწყების და დასრულების მომენტში ელექტროენერგიის მიწოდება რამდენიმე წუთით ასევე შეეზღუდებათ ქვესადგურის „ხონი-2“ მომხმარებლებს. აღდგენითი სამუშაოების დასრულებისთანავე მომხმარებელთა ენერგომომარაგება ჩვეულ რეჟიმში აღდგება," - აცხადებენ კომპანიაში.