ქუთაისში მოსახლეობის ნაწილს ერთი დღით წყლის მიწოდება შეუწყდება

ქუთაისში, ქალაქის ქუჩების ნაწილს სასმელი წყლის მიწოდება ერთი დღით შეუწყდება. ინფორმაციას ამის შესახებ "საქართველოს გაერთიანებული წყალმომარაგების კომპანიის" ქუთაისის სერვის-ცენტრის დირექტორი მერაბ ბობოხიძე ავრცელებს.

"ქუთაისში მიმდინარე, „კოქსის“ პროექტის II ეტაპის ფარგლებში, მოსახლეობის სასმელი წყლის უზრუნველყოფის მიზნით, მიმდინარეობს რეაბილიტირებული ქსელის გადართვითი სამუშაოები ნიკეას ქუჩაზე, რის გამოც 2016 წლის 23 ივნისს სასმელი წყლის მიწოდება შეუწყდება ნიკეას, თაბუკაშვილის, ხუნდაძის, მაისურაძის, დადიანის, სულხან-საბასა და გუგუნავას ქუჩებს, ასევე სოფელ ქვიტირს, ოფშკვითს, უკანეთსა და მესხეთს.

შპს ,,საქართველოს გაერთიანებული წყალმომარაგების კომპანია“ ბოდიშს გიხდით შექმნილი შეფერხებისათვის," - ნათქვამია განცხადებაში.