ქუთაისში სამი ოთარის ძეგლს აღება არ ემუქრება

ქუთაისის მერიის ქონების მართვის სამსახურის უფროსის ბესო ცქიფურიშვილის თქმით, “კინო საქართველოს” გვერდით არსებული სამი ოთარის ძეგლს აღება არ ემუქრება, რადგან ეს ტერიტორია მერიას გაიჯარებული არ აქვს.
“სადაც ძეგლები დგას ეს ტერიტორია გაიჯარებული არ არის, ამიტომ არც ძეგლებს ემუქრებათ საშიშროება, რომ აიღონ. მინდა ვუთხრა ქუთაისელებს, რომ სამი ოთარის ძეგლს იქედან არავინ არ აიღებს,”– ამბობს ცქიფურიშვილი.
შეგახსენებთ, რომ მედიაში ვრცელდებოდა ინფორმაცია იმის შესახებ, რომ სამი ოთარის ძეგლის აღება იგეგმებოდა, რადგან ტერიტორია გასხვისებული იყო.