გია თევდორაძე: შეიძლება პარლამენტის თბილისში დაბრუნებას ჩვენმა თანამოაზრეებმაც დაუჭირონ მხარი

საპარლამენტო უმცირესობის წევრი გია თევდორაძე არ გამორიცხავს, რომ მათი პოლიტიკური გუნდიდან პარლამენტის თბილისში დაბრუნებას მხარი დაუჭირონ. თევდორაძის თქმით, ხელისუფლებამ მათ მიმართ ხელის გადაგრეხვის და პოლიტიკური წნეხის პოლიტიკა დაიწყო.
„არ გამოვრიცხავ, მათ საკონსტიტუციო უმრავლესობისთვის ჰყავდეთ კიდევ 2-3 ადამიანი. იმიტომ, რომ ყველა ერთნაირად მყარი არ არის საკუთარ პრინციპებთან და საკუთარ ღირებულებეში. რაც შეეხება ორივე საკონსტიტუციო ცვლილებას, დავიწყებ იმით, რომ ქუთაისისთვის ის გადაწყვეტილება, რომელიც მიღებული უნდა იყოს, ეს იქნება ქუთაისისთვის სასიკვდილო განაჩენის ტოლფასი. პრაქტიკულად უფუნქციოდ რჩება ქვეყნის სიდიდით მეორე ქალაქი. ყველაზე სამწუხარო ის არის, რომ ხელისუფლებას არ აქვს არანაირი კონკრეტული გეგმა იმის შესახებ, რა იქნება ქუთაისში პარლამენტი გადატანის შემდეგ,“ - ამბობს დეპუტატი.
შეგახსენებთ, რომ საკონსტიტუციო ცვლილებით, კონსტიტუციიდან 49-ე მუხლის პირველი ნაწილის ამოღება ხდება. აღნიშნული მუხლი ქუთაისში საპარლამენტო სხდომების და საკომიტეტო მოსმენების ჩატარებას აკონკრეტებს.