ქუთაისში ოტია იოსელიანის ძეგლი და ხეივანი გაიხსნება

ქუთაისის მოსწავლე-ახალგაზრდობის პარკში ქართველი მწერლის, ოტია იოსელიანის ძეგლი და ხეივანი გაიხსნება. ღონისძიება მიმდინარე წლის 16 ივნისს, 16:00 საათზეა ჩანიშნული.

როგორც პარკის დირექტორი გიზო თავაძე Topnews.com.ge-სთან საუბარში აცხადებს, ძეგლის და ხეივნის გახსნის იდეა მას ეკუთვნის.

"დიდი მწერალი იყო ოტია იოსელიანი და ვისაც ეკუთვნის უნდა გაუკეთო. ოტია იოსელიანის ძეგლი და ხეივანი გაიხსნება მის დაბადების დღეს, 16 ივნისს, ისევე როგორც რეზო ჭეიშვილის დაბადების დღეს, 24 აპრილს გაიხსნა რეზოს სახელობის ძეგლი და ხეივანი," -აცხადებს გიზო თავაძე.

ღონისძიებას მწერლებთან და საზოგადო მოღვაწეებთან ერთად, ადგილობრივი ხელისუფლების წარმომადგენლები დაესწრებიან.