ქუთაისში მოსახლეობისათვის წყლის მიწოდების გრაფიკში შესაძლოა ცვლილება მოხდეს

ქუთაისში, მიმდინარე წლის 13 ივინისიდან 17 ივნისის ჩათვლით, მოქალაქეებისათვის სასმელი წყლის მიწოდების კუთხით შესაძლოა შეფერხება იყოს. ინფორმაციას ამის შესახებ "საქართველოს გაერთიანებული წყალმომარაგების კომპანიის" ქუთაისის სერვის-ცენტრის დირექტორი მერაბ ბობოხიძე ავრცელებს.

"ქუთაისში მიმდინარე, „კოქსის“ პროექტის I ეტაპის დასრულებასთან დაკავშირებით, მიმდინარეობს რეაბილიტირებული ქსელის გადართვითი სამუშაოები მოსახლეობის სასმელი წყლის უზრუნველყოფის მიზნით, რის გამოც 2016 წლის 13 ივნისიდან 17 ივნისის ჩათვლით, წყლის გრაფიკებში შესაძლოა მოხდეს მცირე ცვლილებები, რაც აისახება „ქალაქ მუზეუმის“, „საფიჩხიისა“ და „კახიანაურის“ მუნიციპალიტეტის ტერიტორიაზე მცხოვრებ აბონენტებზე," - ნათქვამია განცხადებაში.