თერჯოლის გამგებელი პატარებს:'არ დაივიწყოთ ვისი გორისა ხართ'

თერჯოლის მუნიციპალიტეტის გამგებელი თეიმურაზ ჯაფარიძე, საკრებულოს თავმჯდომარე ავთანდილ ჩუბინიძე, საკრებულოს დეპუტატი რამაზ ჩაფიჩაძე, ა(ა)იპ სკოლამდელი აღზრდის მუნიციპალური ცენტრის დირექტორი მაია თორთლაძე და ადგილობრივი ხელისუფლების სხვა წარმომადგენლები თუზის საბავშვო ბაღის 5-6 წლიანთა ჯგუფის ღონისძიებას „გზა სკოლისაკენ“ დაესწრნენ.


თუზის საბავშვო ბაღი, რომელიც 2015 წელს მოეწყო რეგიონალური განვითარების ფონდიდან გამოყოფილი თანხით, 70 ბავშვზეა გათვლილი. ამჟამად ბაღში 64 აღსაზრდელი ირიცხება, აქედან სკოლის კარს 28 პატარა შეაღებს.

თუზის საბავშვო ბაღის დირექტორმა თამარ კოჩაძემ დიდი მადლობა გადაუხადა ხელისუფლების წარმომადგენლებს იმ ყურადღებისადმი, რასაც ბაღისა და სოფლის მიმართ იჩენენ.

თერჯოლის მუნიციპალიტეტის გამგებელმა თეიმურაზ ჯაფარიძემ გზა სკოლისაკენ დაულოცა თუზელ პატარებს, წარმატებები უსურვა მათ.

„ამ სოფელში შესანიშნავი ადამიანები აღიზარდნენ. თქვენ მათზე უკეთესები უნდა იყოთ. არ დაივიწყოთ, ვისი გორისა ხართ,“-აღნიშნა მან.

NS