სპეცოპერაციის დროს დაჭრილი წყალტუბოს პოლიციის უფროსი საავადმყოფოდან გაწერეს

წყალტუბოს რაიონული პოლიციის უფროსმა რევაზ ქობულიამ სამედიცინო დაწესებულება დატოვა.

როგორც topnews.com.ge-ს დასავლეთ საქართველოს ინტერვენციული მედიცინის ცენტრში განუცხადეს, ქობულია სამედიცინო დაწესებულებიდან 8 ივნისს, საღამოს გაეწერა. ექიმების განცხადებით, მისი მდგომარეობა დამაკმაყოფილებელი იყო.

შეგახსენებთ, რომ წყალტუბოს პოლიციის უფროსი წყალტუბოს მუნიციპალიტეტის სოფელ თერნალში 8 ივნისს, დილით განხორციელებული სპეცოპერაციისას დაიჭრა. რევაზ ქობულიას იმ დროს ესროლეს, როდესაც ეს უკანასკნელი პიროვნების დაჭრაში ბრალდებულის აყვანას ცდილობდა.

დასავლეთ საქართველოს ინტერვენციული მედიცინის ცენტრში ამ დრომდე რჩებიან და მკურნალობას გადიან ორი პირი ერთ-ერთი მათგანი პოლიციის უფროსის დაჭრაში ბრალდებული, ხოლო მეორე ამ უკანასკნელის მიერ დაჭრილი კიდევ ერთი დაზარალებული.