'სისულელეზე მოუვიდათ კონფლიქტი',-ქუთაისში ჩხუბი მკვლელობით დასრულდა

ქუთაისში, ჭომის დასახლებაში, ლესელიძის ქუჩაზე, საბავშვო ბაღის მიმდებარე ტერიტორიაზე ურთიერთშელაპარაკება მამაკაცის გარდაცვალებით დასრულდა.

როგორც TOPNEWS.COM.GE-სთვის გახდა ცნობილი, გარდაცვლილი და მკვლელობაში ბრალდებული არაფხიზელ მდგომარეობაში იმყოფებოდნენ, რამაც მათ შორის კამათი გამოიწვია. გარდაცვლილი მ.ბ. 50 წლამდე მამაკაცია, ხოლო ბრალდებულის ასაკი 30 წლამდე არის.

"ერთ უბანში ცხოვრობდნენ. ორივე ისეთი სერიოზული და მოწესრიგებული იყო, ამას ვერ წარმოვიდგენდით. ნასვამები იყვნენ. სისულელეზე მოუვიდათ კონფლიქტი. ბრალდებულმა დანა დაარტყა. პოლიციელებმა ის უკვე დააკავეს," - განუცხადეს TOPNEWS.COM.GE-ს.