"ზედმეტი ორი ლარი რაში უნდა გადავიხადო, ყავა მომიდუღე თუ რა მომემსახურე?"

პარტია "თავისუფალი საქართელო"-ს იმერეთის ორგანიზაციის ხელმძღვანელმა გოგი წულაიამ ქუთაისში, შინაგან საქმეთა სამინისტროს მომსახურების სააგენტოსთან გამართულ ბრიფინგზე საბანკო სისტემაში არსებული მონოპოლია გააპროტესტა. წულაიამ ეროვნული ბანკის პრეზიდენტს არსებული მდგომარეობით დაინტერესებისაკენ მოუწოდა.

"ყველა ბანკს მონოპოლიურად აქვს სისტემები. მაგალითად, "ლიბერთი ბანკს" პენსიები და ციხეებში ფულის გადარიცხვა აქვს აღებული. "თი ბი სი" ბანკს სხვა მიმართულება აქვს და ასე შემდეგ. ეწევიან ადამიანების გატყავებას. მომსახურეობის სააგენტოში მანქანის გაფორმებაზე 72 ლარი უნდა გადაიხადო. აქედან 2 ლარი ბანკს მიაქვს მომსახურების საფასურად. კი მაგრამ რა მომემსახურე, ყავა მომიდუღე? პატრულის ჯარიმას ბოლო დღეს ვერსად გადაიხიდ. "ლიბერთი" ბანკში უნდა მიხვიდე და 12 ლარი გადაიხადო 10 ლარიან ჯარიმაზე. ასე მიდის ხალხის გატყავება. მივმართავ ეროვნული ბანკის მმართველს, რომ კეთილი ინებოს და დაინტერესდეს ამ მდგომარეობით," - აცხადებს გოგი წულაია.