ამორტიზირებული და დატბორილი ქუთაისის ქუჩები (ფოტოები)

ქუთაისში, კონსტანტინე გამსახურდიასა და ილია ჭავჭავაძის გამზირის კვეთაზე მცხოვრებლები ადგილობრივ ხელისუფლებას ასფალტის საფარის დროული დაგებისაკენ მოუწოდებენ. როგორც ადგილობრივები ამბობენ, სარეაბილიტაციო სამუშაოების გამო, მათ ქუჩაზე გავლა შეუძლეებლია.

"იმის გამო, რომ გზის ერთი ნაწილი გადათხრილია, გამსახურიას ქუჩაზე საშინელი საცობებია. მოგეხსენებათ, რომ ამ ქუჩაზე კლინიკური საავადმყოფოა და სასწრაფოებს ხშირად უწევთ მოძრაობა, მაგრამ გადათხილ გზაზე გავლა ავტომობილებს უჭირთ, რის გამოც საცობებია და შესაბამისად სასწრაფოებიც დროულად ვერ გადაადგილდებიან,"- აცხადებს თორნიკე ბარათაშვილი.

ქუთაისის მერიაში topnews.com.ge-ს განუცხადეს, რომ აღნიშნულ პერიმეტრზე გზის საფარის მოწყობა ერთი კვირის წინ დაიწყო და უახლოეს მომავალში დასრულდება.