Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

"ქუთაისის ადმინისტრაციული სამსახურის უფროსმა მითხრა საცემი ხარ, მაგრამ აქ ვერ გცემო"

თარიღი : 4-06-2016, 21:30 | კატეგორია: ახალი ამბები, მთავარი თემა   
ქუთაისის ოპერის თეატრში ვაინახური კულტურის ფესტივალი გაიმართა.
აღნიშნული ფესტივალის დასრულების შემდეგ, ორგანიზატორმა გელა მთივლიშვილმა განაცხადა, რომ ქუთაისში ეთნიკურ უმცირესობას შესაბამისად არ დახვდენენ, რისთვისაც მთივლიშვილმა ქალაქის მერისა და მერიის მისამართით საყვედური გამოთქვა.

"ასეთი დახვედრა მოუწყეს ქუთაისის ოპერის თეატრში ეთნიკურ უმცირესობას. ასე გვითხრეს, მადლობა თქვით დარბაზი რომ დაგითმეთო. რისთვის ჩამოეთრიეთო. იყო უამრავი პრობლემა, ერთი პირი არ მოგვამაგრეს დასახმარებლად. 4 სკამი ძლივს ვიშოვეთ დამკვრელებისთვის. მერის და მერიის მისამართით საყვედური გამოვთქვი. ამბავი უმალ მიუტანეს. ფესტივალის დასრულების შემდეგ ვიღაც ტიპი მირეკავს, ზვიად ჯავახია ვარ, მერიის ადმინისტრაციის უფროსიო. გავედი და მეუბნება, რატომ აყენებ მერს შეურაცხოფას, საცემი ხარ, მაგრამ აქ ვერ გცემო,"-წერს გელა მთივლიშვილი facebook-ის გვერდზე.

გელა მთივლიშვილის საყვედურს ქუთაისის მერიაში იმით უპასუხეს, რომ ქალაქი და მისი ხელმძღვანელობა ვაინახური კულტურის ფესტივალის ორგანიზატორისგან ლანძღვას არ იმსახურებს.

"ქუთაისის მერიას, ვაინახური კულტურის ფესტივალთან დაკავშირებით, გელა მთივლიშვილი დაუკავშირდა. მერიამ ქუთაისის ოპერის თეატრის იჯარისა და აპარატურის თანხა გადაიხადა. დანარჩენი საორგანიზაციო საკითხები ორგანიზატორს უნდა მოეგვარებინა. გელა მთივლიშვილს ქუთაისის ლანძღვის უფლებას არავინ მისცემს,"-განაცხადა ქუთაისის მერიის ადმინისტრაციული სამსახურის უფროსმა ზვიად ჯავახიამ.

ცნობისთვის, საქართველოს პრეზიდენტის ადმინისტრაციის მხარდაჭერით, ვაინახური კულტურის ფესტივალს საქართველოს ოთხ ქალაქში(ქუთაისი, ბათუმი, დუშეთი,ახალციხე) პანკისის ხეობის ქალთა სათემო ორგანიზაცია და ანსამბლი „პანკისი“ მართავს.

ფესტივალის მიზანი ვაინახური კულტურის პოპულარიზაცია, პანკისის ხეობისა და იქ მცხოვრები ეთნიკური ქისტების მიმართ ნეგატიური დამოკიდებულების შემცირების ხელშეწყობაა.


ნანახია: 1260-ჯერ

მსგავსი სიახლეები
მთივლიშვილის ბრალდებებს ქუთაისის მერიის ადმინისტრაციული სამსახურის უფროსი ზვიად ჯავახია ეხმაურება.
აღნიშნული ფესტივალი ჩეჩნური და ინგუშური კულტურების გაერთიანებას გულისხმობს.
ქუთაისის ოპერის თეატრში პოლონეთის კაპელის კონცერტი ცარიელ დარბაზში ჩატარდა.
ოპერის დასი თეატრის სამხატვრო ხელმძღვანელის გოგი ჭიჭინაძის მხარდამჭერ აქციას მართავს.
ქუთაისის ადმინისტრაციული სამსახურის უფროსმა ზვიად ჯავახიამ 'მაესტროს' იმერეთის კორესპონდეტს შეურაცყოფა მიაყენა.
ტყიბულის N2 საჯარო სკოლის პედაგოგები და მშობლები საქართველოს პარლამენტში იმყოფებოდნენ. ისინი განათლების სამინისტროს მიმართავენ და მათი პრობლემით
'ნაციონალური მოძრაობის' მაჟორიტარობის კანდიდატი ქუთაისში, ქალაქ-მუზეუმის სამაჟორიტარო ოლქში ნიკუშა ნარსია მის კონკურენტს 'ქართული ოცნებიდან' ხალხის იძულებით
გახსნის ცერემონიალზე ახალგაზრდებს გიორგი ჭიღვარიამ და ირაკლი შენგელიამ სიტყვით მიმართეს.

ამინდი