მრავალწლიანი ლოდინის შემდეგ ვანს ახალი საავადმყოფო აქვს

ვანის მუნიციპალიტეტში რეაბილიტირებული ცენტრალური საავადმყოფო ამოქმედდა. საავადმყოფოსათვის ახალი შენობის აშენება „ჯი პი აი“ ჰოლდინგმა უზრუნველყო. სამუშაოებზე მილიონი ლარი დაიხარჯა. რეაბილიტირებულ კლინიკაში შესაძლებელია როგორც ამბულატორიული, ასევე სტაციონარული მკურნალობის ჩატარება. საავადმყოფოს ახალი შენობა მედპერსონალთან ერთად, იმერეთის გუბერნატორმა გივი ჭიჭინაძემ და ვანის გამგებელმა ზაზა ხურციძემ გახსნეს.


ვანის სამედიცინო დაწესებულებაში, რომელიც 22 სოფლის 35 000-მდე მცხოვრებს ემსახურება, 53 ადამიანი არის დასაქმებული.

ცნობისთვის, ვანის მუნიციპალიტეტის მოსახლეობა ავარიულ მდგომარეობაში მყოფი შენობის მოწესრიგებას წლების განმავლობაში ითხოვდა, რადგან სამსართულიან ამორტიზებულ შენობაში მუშაობისათვის საჭირო არავითრი პირობა არსებობდა. სამედიცინო დაწესებულება მღრნელებისა და ქვეწარმავლების თავშესაფრად იყო ქცეული, ხოლო საბჭოთა პერიოდის დროინდელი სამედიცინო ინვენტარი მწყობრიდან იყო გამოსული.