ქუთაისში 'სპეციალურ სერვისებს' ახალი ფუნქციები დაემატა

ქუთაისში ა(ა)იპ "სპეციალურ სერვისებს" დამატებით ახალი ფუნქცია-მოვალეობები განესაზღვრა.

ამიერიდან "სპეციალური სერვისები" ქალაქის მასშტაბით დროებით გამოუყენებელი შენობების მიმდებარე ტერიტორიის, გამავალი არხების, დიდი და მცირე მდინარეების სანაპირო ზოლის დერატიზაციასა და დეზინფექციას ჩაატარებს. ასევე, ქვეწარმავლების დასაფრთხობად ტერიტორიებს ქიმიური რეპლანტით დამუშავებას უზრუნველყოფს. ,,სპეციალური სერვისების" მოვალეობაში მაღლივი კორპუსიანი საცხოვრებელი ბინების სარდაფების დერატიზაციაც შევა.



სამუშაოების შესრულებას ქვეკონტრაქტორი შ.პ.ს "საქართველოს სერვის კომპანია +" უზრუნველყოფს.

შეგახსენებთ, რომ "სპეციალური სერვისების" მოვალეობას უპატრონო ძაღლებზე ზრუნვა, ტერიტორიების ნარჩენებისაგან გაწმენდა, ხეების გადაბელვა, ზებრა გადასასვლელების მოწყობა და სხვა წარმოადგენს.