ფეკალური მასებით შავი ზღვის დაბინძურებისათვის გემის კაპიტანი დააჯარიმეს

გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციასთან ერთად, შავი ზღვის დაბინძურების ფაქტი გამოავლინეს.

როგორც ცნობილია, მალტის დროშით მცურავმა გემმა ყულევის ნავსადგური ფეკალური წყლებით დააბინძურა.

აღნიშნული ქმედებისათვის გემის კაპიტანს ჯარიმა 65 000 ლარის ოდენობით დაესკისრა. ასევე, გარემოსთვის მიყენებული ზიანი 4400 ლარის ოდენობით დაანგარიშდა.

როგორც აღნიშნული სამსახურების თანამშრომლები აცხადებენ, სამართალდამრღვევმა დაკისრებული ჯარიმა და გარემოსადმი მიყენებული ზიანის თანხა სრულად დაფარა.